SORTERRIKO KOBLAK

(Mikel Laboa)

Joseba Sarrionandiaren Kopla eder hauek Mikel Laboaren "6" izeneko diskan (Elkar 1985)jasoak izan ziren. Maitasun kanta ederra inondik inora, melodia diztiratsuaz jantzia,eta Laboaren ukitu pertsonal eta transferitu-ezinarekin.

re M

Oihaneko pagoak blai

fa#m

aideratuz hiru elai.

   laM7      re M

Ostadarraren harian dira

siM7            mi m laM7              re M                    

hirurak pausatu nahi, hirurak pausatu nahi.

Larrosak dira gorriak

edo bestelan xuriak.

Hagitzez ederragoak dira

neskatilaren irriak, neskatilaren irriak.

Maldan behera urratsa

betiko bidean latsa.

Hodei ilunak gaua belzten du

udazkena da ez bedatsa, udazkena da ez bedatsa.

Usapalak ostantzean

huts bat badut bihotzeaan.

Zatoz maitea gure etxera

dostatzera arratsean, dostatzera arratsean.

Eder basoan haritza                      

haran aldean garitza.

Fruitu antzera ontzen da hemen

gizasemeen bizitza, gizasemeen bizitza.

Sagar gorriak dilindan

damea dago ganbaran

maite laztanez hartzeko eta

elkartzeko ohantzean, elkartzeko ohantzean.

Iluntasuna abailtzen da

luma galdu bat bezala

begiak uso, mingaina arana

zure bihotza ene aingura, zure bihotza ene aingura.

Hurrun gauhontzak uluka

zakur deslaiak zaunkaka.

Mende oso bat iraganen da

zure ondoan koblaka, zure ondoan koblaka.